LAM 5-1 | זְכֹ֤ר יְהוָה֙ מֶֽה־הָ֣יָה לָ֔נוּ <font color="brown">הַבֵּיט</font> <font color="blue">הַבִּ֖יטָה</font> וּרְאֵ֥ה אֶת־חֶרְפָּתֵֽנוּ׃ |
LAM 5-2 | נַחֲלָתֵ֙נוּ֙ נֶֽהֶפְכָ֣ה לְזָרִ֔ים בָּתֵּ֖ינוּ לְנָכְרִֽים׃ |
LAM 5-3 | יְתֹומִ֤ים הָיִ֙ינוּ֙ <font color="brown">אֵין</font> <font color="blue">וְאֵ֣ין</font> אָ֔ב אִמֹּתֵ֖ינוּ כְּאַלְמָנֹֽות׃ |
LAM 5-4 | מֵימֵ֙ינוּ֙ בְּכֶ֣סֶף שָׁתִ֔ינוּ עֵצֵ֖ינוּ בִּמְחִ֥יר יָבֹֽאוּ׃ |
LAM 5-5 | עַ֤ל צַוָּארֵ֙נוּ֙ נִרְדָּ֔פְנוּ יָגַ֖עְנוּ <font color="brown">לֹא</font> <font color="blue">וְלֹ֥א</font> הֽוּנַֽח־לָֽנוּ׃ |
LAM 5-6 | מִצְרַ֙יִם֙ נָתַ֣נּוּ יָ֔ד אַשּׁ֖וּר לִשְׂבֹּ֥עַֽ לָֽחֶם׃ |
LAM 5-7 | אֲבֹתֵ֤ינוּ חָֽטְאוּ֙ <font color="brown">אֵינָם</font> <font color="blue">וְאֵינָ֔ם</font> <font color="brown">אֲנַחְנוּ</font> <font color="blue">וַאֲנַ֖חְנוּ</font> עֲוֹנֹתֵיהֶ֥ם סָבָֽלְנוּ׃ |
LAM 5-8 | עֲבָדִים֙ מָ֣שְׁלוּ בָ֔נוּ פֹּרֵ֖ק אֵ֥ין מִיָּדָֽם׃ |
LAM 5-9 | בְּנַפְשֵׁ֙נוּ֙ נָבִ֣יא לַחְמֵ֔נוּ מִפְּנֵ֖י חֶ֥רֶב הַמִּדְבָּֽר׃ |
LAM 5-10 | עֹורֵ֙נוּ֙ כְּתַנּ֣וּר נִכְמָ֔רוּ מִפְּנֵ֖י זַלְעֲפֹ֥ות רָעָֽב׃ |
LAM 5-11 | נָשִׁים֙ בְּצִיֹּ֣ון עִנּ֔וּ בְּתֻלֹ֖ת בְּעָרֵ֥י יְהוּדָֽה׃ |
LAM 5-12 | שָׂרִים֙ בְּיָדָ֣ם נִתְל֔וּ פְּנֵ֥י זְקֵנִ֖ים לֹ֥א נֶהְדָּֽרוּ׃ |
LAM 5-13 | בַּחוּרִים֙ טְחֹ֣ון נָשָׂ֔אוּ וּנְעָרִ֖ים בָּעֵ֥ץ כָּשָֽׁלוּ׃ |
LAM 5-14 | זְקֵנִים֙ מִשַּׁ֣עַר שָׁבָ֔תוּ בַּחוּרִ֖ים מִנְּגִינָתָֽם׃ |
LAM 5-15 | שָׁבַת֙ מְשֹׂ֣ושׂ לִבֵּ֔נוּ נֶהְפַּ֥ךְ לְאֵ֖בֶל מְחֹלֵֽנוּ׃ |
LAM 5-16 | נָֽפְלָה֙ עֲטֶ֣רֶת רֹאשֵׁ֔נוּ אֹֽוי־נָ֥א לָ֖נוּ כִּ֥י חָטָֽאנוּ׃ |
LAM 5-17 | עַל־זֶ֗ה הָיָ֤ה דָוֶה֙ לִבֵּ֔נוּ עַל־אֵ֖לֶּה חָשְׁכ֥וּ עֵינֵֽינוּ׃ |
LAM 5-18 | עַ֤ל הַר־צִיֹּון֙ שֶׁשָּׁמֵ֔ם שׁוּעָלִ֖ים הִלְּכוּ־בֹֽו׃ |
LAM 5-19 | אַתָּ֤ה יְהוָה֙ לְעֹולָ֣ם תֵּשֵׁ֔ב כִּסְאֲךָ֖ לְדֹ֥ר וָדֹֽור׃ |
LAM 5-20 | לָ֤מָּה לָנֶ֙צַח֙ תִּשְׁכָּחֵ֔נוּ תַּֽעַזְבֵ֖נוּ לְאֹ֥רֶךְ יָמִֽים׃ |
LAM 5-21 | הֲשִׁיבֵ֨נוּ יְהוָ֤ה׀ אֵלֶ֙יךָ֙ <font color="brown">וְנָשׁוּב</font> <font color="blue">וְֽנָשׁ֔וּבָה</font> חַדֵּ֥שׁ יָמֵ֖ינוּ כְּקֶֽדֶם׃ |
LAM 5-22 | כִּ֚י אִם־מָאֹ֣ס מְאַסְתָּ֔נוּ קָצַ֥פְתָּ עָלֵ֖ינוּ עַד־מְאֹֽד׃ |