JOB 26-1 | וַיַּ֥עַן אִיֹּ֗וב וַיֹּאמַֽר׃ |
JOB 26-2 | מֶה־עָזַ֥רְתָּ לְלֹא־כֹ֑חַ הֹ֝ושַׁ֗עְתָּ זְרֹ֣ועַ לֹא־עֹֽז׃ |
JOB 26-3 | מַה־יָּ֭עַצְתָּ לְלֹ֣א חָכְמָ֑ה וְ֝תוּשִׁיָּ֗ה לָרֹ֥ב הֹודָֽעְתָּ׃ |
JOB 26-4 | אֶת־מִ֭י הִגַּ֣דְתָּ מִלִּ֑ין וְנִשְׁמַת־מִ֝י יָצְאָ֥ה מִמֶּֽךָּ׃ |
JOB 26-5 | הָרְפָאִ֥ים יְחֹולָ֑לוּ מִתַּ֥חַת מַ֝֗יִם וְשֹׁכְנֵיהֶֽם׃ |
JOB 26-6 | עָרֹ֣ום שְׁאֹ֣ול נֶגְדֹּ֑ו וְאֵ֥ין כְּ֝ס֗וּת לָֽאֲבַדֹּֽון׃ |
JOB 26-7 | נֹטֶ֣ה צָפֹ֣ון עַל־תֹּ֑הוּ תֹּ֥לֶה אֶ֝֗רֶץ עַל־בְּלִי־מָֽה׃ |
JOB 26-8 | צֹרֵֽר־מַ֥יִם בְּעָבָ֑יו וְלֹא־נִבְקַ֖ע עָנָ֣ן תַּחְתָּֽם׃ |
JOB 26-9 | מְאַחֵ֥ז פְּנֵי־כִסֵּ֑ה פַּרְשֵׁ֖ז עָלָ֣יו עֲנָנֹֽו׃ |
JOB 26-10 | חֹֽק־חָ֭ג עַל־פְּנֵי־מָ֑יִם עַד־תַּכְלִ֖ית אֹ֣ור עִם־חֹֽשֶׁךְ׃ |
JOB 26-11 | עַמּוּדֵ֣י שָׁמַ֣יִם יְרֹופָ֑פוּ וְ֝יִתְמְה֗וּ מִגַּעֲרָתֹֽו׃ |
JOB 26-12 | בְּ֭כֹחֹו רָגַ֣ע הַיָּ֑ם <font color="brown">וּבִתוּבְנָתֹו</font> <font color="blue">וּ֝בִתְבוּנָתֹ֗ו</font> מָ֣חַץ רָֽהַב׃ |
JOB 26-13 | בְּ֭רוּחֹו שָׁמַ֣יִם שִׁפְרָ֑ה חֹֽלֲלָ֥ה<font color="red"><sup>3</font></sup> יָ֝דֹ֗ו נָחָ֥שׁ בָּרִֽיחַ׃ |
JOB 26-14 | הֶן־אֵ֤לֶּה׀ קְצֹ֬ות <font color="brown">דַּרְכֹּו</font> <font color="blue">דְּרָכָ֗יו</font> וּמַה־שֵּׁ֣מֶץ דָּ֭בָר נִשְׁמַע־בֹּ֑ו וְרַ֥עַם <font color="brown">גְּבוּרָתֹו</font> <font color="blue">גְּ֝בוּרֹותָ֗יו<font color="red"><sup>3</font></sup></font> מִ֣י יִתְבֹּונָֽן׃ |