| PLM 1-1 | παυλος δεσμιος χριστου ιησου και τιμοθεος ο αδελφος φιλημονι τω αγαπητω και συνεργω ημων |
| PLM 1-2 | και απφια τη αδελφη και αρχιππω τω συστρατιωτη ημων και τη κατ οικον σου εκκλησια |
| PLM 1-3 | χαρις υμιν και ειρηνη απο θεου πατρος ημων και κυριου ιησου χριστου |
| PLM 1-4 | ευχαριστω τω θεω μου παντοτε μνειαν σου ποιουμενος επι των προσευχων μου |
| PLM 1-5 | ακουων σου την αγαπην και την πιστιν ην εχεις προς τον κυριον ιησουν και εις παντας τους αγιους |
| PLM 1-6 | οπως η κοινωνια της πιστεως σου ενεργης γενηται εν επιγνωσει παντος αγαθου του εν ημιν εις χριστον |
| PLM 1-7 | χαραν γαρ πολλην εσχον και παρακλησιν επι τη αγαπη σου οτι τα σπλαγχνα των αγιων αναπεπαυται δια σου αδελφε |
| PLM 1-8 | διο πολλην εν χριστω παρρησιαν εχων επιτασσειν σοι το ανηκον |
| PLM 1-9 | δια την αγαπην μαλλον παρακαλω τοιουτος ων ως παυλος πρεσβυτης νυνι δε και δεσμιος χριστου ιησου |
| PLM 1-10 | παρακαλω σε περι του εμου τεκνου ον εγεννησα εν τοις δεσμοις ονησιμον |
| PLM 1-11 | τον ποτε σοι αχρηστον νυνι δε [και] σοι και εμοι ευχρηστον |
| PLM 1-12 | ον ανεπεμψα σοι αυτον τουτ εστιν τα εμα σπλαγχνα |
| PLM 1-13 | ον εγω εβουλομην προς εμαυτον κατεχειν ινα υπερ σου μοι διακονη εν τοις δεσμοις του ευαγγελιου |
| PLM 1-14 | χωρις δε της σης γνωμης ουδεν ηθελησα ποιησαι ινα μη ως κατα αναγκην το αγαθον σου η αλλα κατα εκουσιον |
| PLM 1-15 | ταχα γαρ δια τουτο εχωρισθη προς ωραν ινα αιωνιον αυτον απεχης |
| PLM 1-16 | ουκετι ως δουλον αλλα υπερ δουλον αδελφον αγαπητον μαλιστα εμοι ποσω δε μαλλον σοι και εν σαρκι και εν κυριω |
| PLM 1-17 | ει ουν με εχεις κοινωνον προσλαβου αυτον ως εμε |
| PLM 1-18 | ει δε τι ηδικησεν σε η οφειλει τουτο εμοι ελλογα |
| PLM 1-19 | εγω παυλος εγραψα τη εμη χειρι εγω αποτισω ινα μη λεγω σοι οτι και σεαυτον μοι προσοφειλεις |
| PLM 1-20 | ναι αδελφε εγω σου οναιμην εν κυριω αναπαυσον μου τα σπλαγχνα εν χριστω |
| PLM 1-21 | πεποιθως τη υπακοη σου εγραψα σοι ειδως οτι και υπερ α λεγω ποιησεις |
| PLM 1-22 | αμα δε και ετοιμαζε μοι ξενιαν ελπιζω γαρ οτι δια των προσευχων υμων χαρισθησομαι υμιν |
| PLM 1-23 | ασπαζεται σε επαφρας ο συναιχμαλωτος μου εν χριστω ιησου |
| PLM 1-24 | μαρκος αρισταρχος δημας λουκας οι συνεργοι μου |
| PLM 1-25 | η χαρις του κυριου ιησου χριστου μετα του πνευματος υμων |
ALBISHARA © 2000-2021
