| PHI 4-1 | ωστε αδελφοι μου αγαπητοι και επιποθητοι χαρα και στεφανος μου ουτως στηκετε εν κυριω αγαπητοι |
| PHI 4-2 | ευοδιαν παρακαλω και συντυχην παρακαλω το αυτο φρονειν εν κυριω |
| PHI 4-3 | ναι ερωτω και σε γνησιε συζυγε συλλαμβανου αυταις αιτινες εν τω ευαγγελιω συνηθλησαν μοι μετα και κλημεντος και των λοιπων συνεργων μου ων τα ονοματα εν βιβλω ζωης |
| PHI 4-4 | χαιρετε εν κυριω παντοτε παλιν ερω χαιρετε |
| PHI 4-5 | το επιεικες υμων γνωσθητω πασιν ανθρωποις ο κυριος εγγυς |
| PHI 4-6 | μηδεν μεριμνατε αλλ εν παντι τη προσευχη και τη δεησει μετα ευχαριστιας τα αιτηματα υμων γνωριζεσθω προς τον θεον |
| PHI 4-7 | και η ειρηνη του θεου η υπερεχουσα παντα νουν φρουρησει τας καρδιας υμων και τα νοηματα υμων εν χριστω ιησου |
| PHI 4-8 | το λοιπον αδελφοι οσα εστιν αληθη οσα σεμνα οσα δικαια οσα αγνα οσα προσφιλη οσα ευφημα ει τις αρετη και ει τις επαινος ταυτα λογιζεσθε |
| PHI 4-9 | α και εμαθετε και παρελαβετε και ηκουσατε και ειδετε εν εμοι ταυτα πρασσετε και ο θεος της ειρηνης εσται μεθ υμων |
| PHI 4-10 | εχαρην δε εν κυριω μεγαλως οτι ηδη ποτε ανεθαλετε το υπερ εμου φρονειν εφ ω και εφρονειτε ηκαιρεισθε δε |
| PHI 4-11 | ουχ οτι καθ υστερησιν λεγω εγω γαρ εμαθον εν οις ειμι αυταρκης ειναι |
| PHI 4-12 | οιδα και ταπεινουσθαι οιδα και περισσευειν εν παντι και εν πασιν μεμυημαι και χορταζεσθαι και πειναν και περισσευειν και υστερεισθαι |
| PHI 4-13 | παντα ισχυω εν τω ενδυναμουντι με |
| PHI 4-14 | πλην καλως εποιησατε συγκοινωνησαντες μου τη θλιψει |
| PHI 4-15 | οιδατε δε και υμεις φιλιππησιοι οτι εν αρχη του ευαγγελιου οτε εξηλθον απο μακεδονιας ουδεμια μοι εκκλησια εκοινωνησεν εις λογον δοσεως και λημψεως ει μη υμεις μονοι |
| PHI 4-16 | οτι και εν θεσσαλονικη και απαξ και δις εις την χρειαν μοι επεμψατε |
| PHI 4-17 | ουχ οτι επιζητω το δομα αλλα επιζητω τον καρπον τον πλεοναζοντα εις λογον υμων |
| PHI 4-18 | απεχω δε παντα και περισσευω πεπληρωμαι δεξαμενος παρα επαφροδιτου τα παρ υμων οσμην ευωδιας θυσιαν δεκτην ευαρεστον τω θεω |
| PHI 4-19 | ο δε θεος μου πληρωσει πασαν χρειαν υμων κατα το πλουτος αυτου εν δοξη εν χριστω ιησου |
| PHI 4-20 | τω δε θεω και πατρι ημων η δοξα εις τους αιωνας των αιωνων αμην |
| PHI 4-21 | ασπασασθε παντα αγιον εν χριστω ιησου ασπαζονται υμας οι συν εμοι αδελφοι |
| PHI 4-22 | ασπαζονται υμας παντες οι αγιοι μαλιστα δε οι εκ της καισαρος οικιας |
| PHI 4-23 | η χαρις του κυριου ιησου χριστου μετα του πνευματος υμων |
ALBISHARA © 2000-2021
