EPH 5-1 | γινεσθε ουν μιμηται του θεου ως τεκνα αγαπητα |
EPH 5-2 | και περιπατειτε εν αγαπη καθως και ο χριστος ηγαπησεν ημας και παρεδωκεν εαυτον υπερ ημων προσφοραν και θυσιαν τω θεω εις οσμην ευωδιας |
EPH 5-3 | πορνεια δε και ακαθαρσια πασα η πλεονεξια μηδε ονομαζεσθω εν υμιν καθως πρεπει αγιοις |
EPH 5-4 | και αισχροτης και μωρολογια η ευτραπελια α ουκ ανηκεν αλλα μαλλον ευχαριστια |
EPH 5-5 | τουτο γαρ ιστε γινωσκοντες οτι πας πορνος η ακαθαρτος η πλεονεκτης ο εστιν ειδωλολατρης ουκ εχει κληρονομιαν εν τη βασιλεια του χριστου και θεου |
EPH 5-6 | μηδεις υμας απατατω κενοις λογοις δια ταυτα γαρ ερχεται η οργη του θεου επι τους υιους της απειθειας |
EPH 5-7 | μη ουν γινεσθε συμμετοχοι αυτων |
EPH 5-8 | ητε γαρ ποτε σκοτος νυν δε φως εν κυριω ως τεκνα φωτος περιπατειτε |
EPH 5-9 | ο γαρ καρπος του φωτος εν παση αγαθωσυνη και δικαιοσυνη και αληθεια |
EPH 5-10 | δοκιμαζοντες τι εστιν ευαρεστον τω κυριω |
EPH 5-11 | και μη συγκοινωνειτε τοις εργοις τοις ακαρποις του σκοτους μαλλον δε και ελεγχετε |
EPH 5-12 | τα γαρ κρυφη γινομενα υπ αυτων αισχρον εστιν και λεγειν |
EPH 5-13 | τα δε παντα ελεγχομενα υπο του φωτος φανερουται |
EPH 5-14 | παν γαρ το φανερουμενον φως εστιν διο λεγει εγειρε ο καθευδων και αναστα εκ των νεκρων και επιφαυσει σοι ο χριστος |
EPH 5-15 | βλεπετε ουν ακριβως πως περιπατειτε μη ως ασοφοι αλλ ως σοφοι |
EPH 5-16 | εξαγοραζομενοι τον καιρον οτι αι ημεραι πονηραι εισιν |
EPH 5-17 | δια τουτο μη γινεσθε αφρονες αλλα συνιετε τι το θελημα του κυριου |
EPH 5-18 | και μη μεθυσκεσθε οινω εν ω εστιν ασωτια αλλα πληρουσθε εν πνευματι |
EPH 5-19 | λαλουντες εαυτοις [εν] ψαλμοις και υμνοις και ωδαις πνευματικαις αδοντες και ψαλλοντες τη καρδια υμων τω κυριω |
EPH 5-20 | ευχαριστουντες παντοτε υπερ παντων εν ονοματι του κυριου ημων ιησου χριστου τω θεω και πατρι |
EPH 5-21 | υποτασσομενοι αλληλοις εν φοβω χριστου |
EPH 5-22 | αι γυναικες τοις ιδιοις ανδρασιν ως τω κυριω |
EPH 5-23 | οτι ανηρ εστιν κεφαλη της γυναικος ως και ο χριστος κεφαλη της εκκλησιας αυτος σωτηρ του σωματος |
EPH 5-24 | αλλα ως η εκκλησια υποτασσεται τω χριστω ουτως και αι γυναικες τοις ανδρασιν εν παντι |
EPH 5-25 | οι ανδρες αγαπατε τας γυναικας καθως και ο χριστος ηγαπησεν την εκκλησιαν και εαυτον παρεδωκεν υπερ αυτης |
EPH 5-26 | ινα αυτην αγιαση καθαρισας τω λουτρω του υδατος εν ρηματι |
EPH 5-27 | ινα παραστηση αυτος εαυτω ενδοξον την εκκλησιαν μη εχουσαν σπιλον η ρυτιδα η τι των τοιουτων αλλ ινα η αγια και αμωμος |
EPH 5-28 | ουτως οφειλουσιν [και] οι ανδρες αγαπαν τας εαυτων γυναικας ως τα εαυτων σωματα ο αγαπων την εαυτου γυναικα εαυτον αγαπα |
EPH 5-29 | ουδεις γαρ ποτε την εαυτου σαρκα εμισησεν αλλα εκτρεφει και θαλπει αυτην καθως και ο χριστος την εκκλησιαν |
EPH 5-30 | οτι μελη εσμεν του σωματος αυτου |
EPH 5-31 | αντι τουτου καταλειψει ανθρωπος [τον] πατερα και [την] μητερα και προσκολληθησεται προς την γυναικα αυτου και εσονται οι δυο εις σαρκα μιαν |
EPH 5-32 | το μυστηριον τουτο μεγα εστιν εγω δε λεγω εις χριστον και εις την εκκλησιαν |
EPH 5-33 | πλην και υμεις οι καθ ενα εκαστος την εαυτου γυναικα ουτως αγαπατω ως εαυτον η δε γυνη ινα φοβηται τον ανδρα |