| GAL 6-1 | αδελφοι εαν και προλημφθη ανθρωπος εν τινι παραπτωματι υμεις οι πνευματικοι καταρτιζετε τον τοιουτον εν πνευματι πραυτητος σκοπων σεαυτον μη και συ πειρασθης |
| GAL 6-2 | αλληλων τα βαρη βασταζετε και ουτως αναπληρωσετε τον νομον του χριστου |
| GAL 6-3 | ει γαρ δοκει τις ειναι τι μηδεν ων φρεναπατα εαυτον |
| GAL 6-4 | το δε εργον εαυτου δοκιμαζετω εκαστος και τοτε εις εαυτον μονον το καυχημα εξει και ουκ εις τον ετερον |
| GAL 6-5 | εκαστος γαρ το ιδιον φορτιον βαστασει |
| GAL 6-6 | κοινωνειτω δε ο κατηχουμενος τον λογον τω κατηχουντι εν πασιν αγαθοις |
| GAL 6-7 | μη πλανασθε θεος ου μυκτηριζεται ο γαρ εαν σπειρη ανθρωπος τουτο και θερισει |
| GAL 6-8 | οτι ο σπειρων εις την σαρκα εαυτου εκ της σαρκος θερισει φθοραν ο δε σπειρων εις το πνευμα εκ του πνευματος θερισει ζωην αιωνιον |
| GAL 6-9 | το δε καλον ποιουντες μη εγκακωμεν καιρω γαρ ιδιω θερισομεν μη εκλυομενοι |
| GAL 6-10 | αρα ουν ως καιρον εχομεν εργαζωμεθα το αγαθον προς παντας μαλιστα δε προς τους οικειους της πιστεως |
| GAL 6-11 | ιδετε πηλικοις υμιν γραμμασιν εγραψα τη εμη χειρι |
| GAL 6-12 | οσοι θελουσιν ευπροσωπησαι εν σαρκι ουτοι αναγκαζουσιν υμας περιτεμνεσθαι μονον ινα τω σταυρω του χριστου μη διωκωνται |
| GAL 6-13 | ουδε γαρ οι περιτεμνομενοι αυτοι νομον φυλασσουσιν αλλα θελουσιν υμας περιτεμνεσθαι ινα εν τη υμετερα σαρκι καυχησωνται |
| GAL 6-14 | εμοι δε μη γενοιτο καυχασθαι ει μη εν τω σταυρω του κυριου ημων ιησου χριστου δι ου εμοι κοσμος εσταυρωται καγω κοσμω |
| GAL 6-15 | ουτε γαρ περιτομη τι εστιν ουτε ακροβυστια αλλα καινη κτισις |
| GAL 6-16 | και οσοι τω κανονι τουτω στοιχησουσιν ειρηνη επ αυτους και ελεος και επι τον ισραηλ του θεου |
| GAL 6-17 | του λοιπου κοπους μοι μηδεις παρεχετω εγω γαρ τα στιγματα του ιησου εν τω σωματι μου βασταζω |
| GAL 6-18 | η χαρις του κυριου ημων ιησου χριστου μετα του πνευματος υμων αδελφοι αμην |
ALBISHARA © 2000-2021
