| GAL 4-1 | λεγω δε εφ οσον χρονον ο κληρονομος νηπιος εστιν ουδεν διαφερει δουλου κυριος παντων ων |
| GAL 4-2 | αλλα υπο επιτροπους εστιν και οικονομους αχρι της προθεσμιας του πατρος |
| GAL 4-3 | ουτως και ημεις οτε ημεν νηπιοι υπο τα στοιχεια του κοσμου ημεθα δεδουλωμενοι |
| GAL 4-4 | οτε δε ηλθεν το πληρωμα του χρονου εξαπεστειλεν ο θεος τον υιον αυτου γενομενον εκ γυναικος γενομενον υπο νομον |
| GAL 4-5 | ινα τους υπο νομον εξαγοραση ινα την υιοθεσιαν απολαβωμεν |
| GAL 4-6 | οτι δε εστε υιοι εξαπεστειλεν ο θεος το πνευμα του υιου αυτου εις τας καρδιας ημων κραζον αββα ο πατηρ |
| GAL 4-7 | ωστε ουκετι ει δουλος αλλα υιος ει δε υιος και κληρονομος δια θεου |
| GAL 4-8 | αλλα τοτε μεν ουκ ειδοτες θεον εδουλευσατε τοις φυσει μη ουσιν θεοις |
| GAL 4-9 | νυν δε γνοντες θεον μαλλον δε γνωσθεντες υπο θεου πως επιστρεφετε παλιν επι τα ασθενη και πτωχα στοιχεια οις παλιν ανωθεν δουλευειν θελετε |
| GAL 4-10 | ημερας παρατηρεισθε και μηνας και καιρους και ενιαυτους |
| GAL 4-11 | φοβουμαι υμας μη πως εικη κεκοπιακα εις υμας |
| GAL 4-12 | γινεσθε ως εγω οτι καγω ως υμεις αδελφοι δεομαι υμων ουδεν με ηδικησατε |
| GAL 4-13 | οιδατε δε οτι δι ασθενειαν της σαρκος ευηγγελισαμην υμιν το προτερον |
| GAL 4-14 | και τον πειρασμον υμων εν τη σαρκι μου ουκ εξουθενησατε ουδε εξεπτυσατε αλλα ως αγγελον θεου εδεξασθε με ως χριστον ιησουν |
| GAL 4-15 | που ουν ο μακαρισμος υμων μαρτυρω γαρ υμιν οτι ει δυνατον τους οφθαλμους υμων εξορυξαντες εδωκατε μοι |
| GAL 4-16 | ωστε εχθρος υμων γεγονα αληθευων υμιν |
| GAL 4-17 | ζηλουσιν υμας ου καλως αλλα εκκλεισαι υμας θελουσιν ινα αυτους ζηλουτε |
| GAL 4-18 | καλον δε ζηλουσθαι εν καλω παντοτε και μη μονον εν τω παρειναι με προς υμας |
| GAL 4-19 | τεκνα μου ους παλιν ωδινω μεχρις ου μορφωθη χριστος εν υμιν |
| GAL 4-20 | ηθελον δε παρειναι προς υμας αρτι και αλλαξαι την φωνην μου οτι απορουμαι εν υμιν |
| GAL 4-21 | λεγετε μοι οι υπο νομον θελοντες ειναι τον νομον ουκ ακουετε |
| GAL 4-22 | γεγραπται γαρ οτι αβρααμ δυο υιους εσχεν ενα εκ της παιδισκης και ενα εκ της ελευθερας |
| GAL 4-23 | αλλ ο μεν εκ της παιδισκης κατα σαρκα γεγεννηται ο δε εκ της ελευθερας δι επαγγελιας |
| GAL 4-24 | ατινα εστιν αλληγορουμενα αυται γαρ εισιν δυο διαθηκαι μια μεν απο ορους σινα εις δουλειαν γεννωσα ητις εστιν αγαρ |
| GAL 4-25 | το δε αγαρ σινα ορος εστιν εν τη αραβια συστοιχει δε τη νυν ιερουσαλημ δουλευει γαρ μετα των τεκνων αυτης |
| GAL 4-26 | η δε ανω ιερουσαλημ ελευθερα εστιν ητις εστιν μητηρ ημων |
| GAL 4-27 | γεγραπται γαρ ευφρανθητι στειρα η ου τικτουσα ρηξον και βοησον η ουκ ωδινουσα οτι πολλα τα τεκνα της ερημου μαλλον η της εχουσης τον ανδρα |
| GAL 4-28 | υμεις δε αδελφοι κατα ισαακ επαγγελιας τεκνα εστε |
| GAL 4-29 | αλλ ωσπερ τοτε ο κατα σαρκα γεννηθεις εδιωκεν τον κατα πνευμα ουτως και νυν |
| GAL 4-30 | αλλα τι λεγει η γραφη εκβαλε την παιδισκην και τον υιον αυτης ου γαρ μη κληρονομησει ο υιος της παιδισκης μετα του υιου της ελευθερας |
| GAL 4-31 | διο αδελφοι ουκ εσμεν παιδισκης τεκνα αλλα της ελευθερας |
ALBISHARA © 2000-2021
