| CO1 15-1 | γνωριζω δε υμιν αδελφοι το ευαγγελιον ο ευηγγελισαμην υμιν ο και παρελαβετε εν ω και εστηκατε |
| CO1 15-2 | δι ου και σωζεσθε τινι λογω ευηγγελισαμην υμιν ει κατεχετε εκτος ει μη εικη επιστευσατε |
| CO1 15-3 | παρεδωκα γαρ υμιν εν πρωτοις ο και παρελαβον οτι χριστος απεθανεν υπερ των αμαρτιων ημων κατα τας γραφας |
| CO1 15-4 | και οτι εταφη και οτι εγηγερται τη ημερα τη τριτη κατα τας γραφας |
| CO1 15-5 | και οτι ωφθη κηφα ειτα τοις δωδεκα |
| CO1 15-6 | επειτα ωφθη επανω πεντακοσιοις αδελφοις εφαπαξ εξ ων οι πλειονες μενουσιν εως αρτι τινες δε εκοιμηθησαν |
| CO1 15-7 | επειτα ωφθη ιακωβω ειτα τοις αποστολοις πασιν |
| CO1 15-8 | εσχατον δε παντων ωσπερει τω εκτρωματι ωφθη καμοι |
| CO1 15-9 | εγω γαρ ειμι ο ελαχιστος των αποστολων ος ουκ ειμι ικανος καλεισθαι αποστολος διοτι εδιωξα την εκκλησιαν του θεου |
| CO1 15-10 | χαριτι δε θεου ειμι ο ειμι και η χαρις αυτου η εις εμε ου κενη εγενηθη αλλα περισσοτερον αυτων παντων εκοπιασα ουκ εγω δε αλλα η χαρις του θεου [η] συν εμοι |
| CO1 15-11 | ειτε ουν εγω ειτε εκεινοι ουτως κηρυσσομεν και ουτως επιστευσατε |
| CO1 15-12 | ει δε χριστος κηρυσσεται οτι εκ νεκρων εγηγερται πως λεγουσιν εν υμιν τινες οτι αναστασις νεκρων ουκ εστιν |
| CO1 15-13 | ει δε αναστασις νεκρων ουκ εστιν ουδε χριστος εγηγερται |
| CO1 15-14 | ει δε χριστος ουκ εγηγερται κενον αρα [και] το κηρυγμα ημων κενη και η πιστις υμων |
| CO1 15-15 | ευρισκομεθα δε και ψευδομαρτυρες του θεου οτι εμαρτυρησαμεν κατα του θεου οτι ηγειρεν τον χριστον ον ουκ ηγειρεν ειπερ αρα νεκροι ουκ εγειρονται |
| CO1 15-16 | ει γαρ νεκροι ουκ εγειρονται ουδε χριστος εγηγερται |
| CO1 15-17 | ει δε χριστος ουκ εγηγερται ματαια η πιστις υμων ετι εστε εν ταις αμαρτιαις υμων |
| CO1 15-18 | αρα και οι κοιμηθεντες εν χριστω απωλοντο |
| CO1 15-19 | ει εν τη ζωη ταυτη εν χριστω ηλπικοτες εσμεν μονον ελεεινοτεροι παντων ανθρωπων εσμεν |
| CO1 15-20 | νυνι δε χριστος εγηγερται εκ νεκρων απαρχη των κεκοιμημενων |
| CO1 15-21 | επειδη γαρ δι ανθρωπου θανατος και δι ανθρωπου αναστασις νεκρων |
| CO1 15-22 | ωσπερ γαρ εν τω αδαμ παντες αποθνησκουσιν ουτως και εν τω χριστω παντες ζωοποιηθησονται |
| CO1 15-23 | εκαστος δε εν τω ιδιω ταγματι απαρχη χριστος επειτα οι του χριστου εν τη παρουσια αυτου |
| CO1 15-24 | ειτα το τελος οταν παραδιδω την βασιλειαν τω θεω και πατρι οταν καταργηση πασαν αρχην και πασαν εξουσιαν και δυναμιν |
| CO1 15-25 | δει γαρ αυτον βασιλευειν αχρι ου θη παντας τους εχθρους υπο τους ποδας αυτου |
| CO1 15-26 | εσχατος εχθρος καταργειται ο θανατος |
| CO1 15-27 | παντα γαρ υπεταξεν υπο τους ποδας αυτου οταν δε ειπη οτι παντα υποτετακται δηλον οτι εκτος του υποταξαντος αυτω τα παντα |
| CO1 15-28 | οταν δε υποταγη αυτω τα παντα τοτε [και] αυτος ο υιος υποταγησεται τω υποταξαντι αυτω τα παντα ινα η ο θεος [τα] παντα εν πασιν |
| CO1 15-29 | επει τι ποιησουσιν οι βαπτιζομενοι υπερ των νεκρων ει ολως νεκροι ουκ εγειρονται τι και βαπτιζονται υπερ αυτων |
| CO1 15-30 | τι και ημεις κινδυνευομεν πασαν ωραν |
| CO1 15-31 | καθ ημεραν αποθνησκω νη την υμετεραν καυχησιν [αδελφοι] ην εχω εν χριστω ιησου τω κυριω ημων |
| CO1 15-32 | ει κατα ανθρωπον εθηριομαχησα εν εφεσω τι μοι το οφελος ει νεκροι ουκ εγειρονται φαγωμεν και πιωμεν αυριον γαρ αποθνησκομεν |
| CO1 15-33 | μη πλανασθε φθειρουσιν ηθη χρηστα ομιλιαι κακαι |
| CO1 15-34 | εκνηψατε δικαιως και μη αμαρτανετε αγνωσιαν γαρ θεου τινες εχουσιν προς εντροπην υμιν λαλω |
| CO1 15-35 | αλλα ερει τις πως εγειρονται οι νεκροι ποιω δε σωματι ερχονται |
| CO1 15-36 | αφρων συ ο σπειρεις ου ζωοποιειται εαν μη αποθανη |
| CO1 15-37 | και ο σπειρεις ου το σωμα το γενησομενον σπειρεις αλλα γυμνον κοκκον ει τυχοι σιτου η τινος των λοιπων |
| CO1 15-38 | ο δε θεος διδωσιν αυτω σωμα καθως ηθελησεν και εκαστω των σπερματων ιδιον σωμα |
| CO1 15-39 | ου πασα σαρξ η αυτη σαρξ αλλα αλλη μεν ανθρωπων αλλη δε σαρξ κτηνων αλλη δε σαρξ πτηνων αλλη δε ιχθυων |
| CO1 15-40 | και σωματα επουρανια και σωματα επιγεια αλλα ετερα μεν η των επουρανιων δοξα ετερα δε η των επιγειων |
| CO1 15-41 | αλλη δοξα ηλιου και αλλη δοξα σεληνης και αλλη δοξα αστερων αστηρ γαρ αστερος διαφερει εν δοξη |
| CO1 15-42 | ουτως και η αναστασις των νεκρων σπειρεται εν φθορα εγειρεται εν αφθαρσια |
| CO1 15-43 | σπειρεται εν ατιμια εγειρεται εν δοξη σπειρεται εν ασθενεια εγειρεται εν δυναμει |
| CO1 15-44 | σπειρεται σωμα ψυχικον εγειρεται σωμα πνευματικον ει εστιν σωμα ψυχικον εστιν και πνευματικον |
| CO1 15-45 | ουτως και γεγραπται εγενετο ο πρωτος ανθρωπος αδαμ εις ψυχην ζωσαν ο εσχατος αδαμ εις πνευμα ζωοποιουν |
| CO1 15-46 | αλλ ου πρωτον το πνευματικον αλλα το ψυχικον επειτα το πνευματικον |
| CO1 15-47 | ο πρωτος ανθρωπος εκ γης χοικος ο δευτερος ανθρωπος εξ ουρανου |
| CO1 15-48 | οιος ο χοικος τοιουτοι και οι χοικοι και οιος ο επουρανιος τοιουτοι και οι επουρανιοι |
| CO1 15-49 | και καθως εφορεσαμεν την εικονα του χοικου φορεσομεν και την εικονα του επουρανιου |
| CO1 15-50 | τουτο δε φημι αδελφοι οτι σαρξ και αιμα βασιλειαν θεου κληρονομησαι ου δυναται ουδε η φθορα την αφθαρσιαν κληρονομει |
| CO1 15-51 | ιδου μυστηριον υμιν λεγω παντες ου κοιμηθησομεθα παντες δε αλλαγησομεθα |
| CO1 15-52 | εν ατομω εν ριπη οφθαλμου εν τη εσχατη σαλπιγγι σαλπισει γαρ και οι νεκροι εγερθησονται αφθαρτοι και ημεις αλλαγησομεθα |
| CO1 15-53 | δει γαρ το φθαρτον τουτο ενδυσασθαι αφθαρσιαν και το θνητον τουτο ενδυσασθαι αθανασιαν |
| CO1 15-54 | οταν δε το φθαρτον τουτο ενδυσηται αφθαρσιαν και το θνητον τουτο ενδυσηται αθανασιαν τοτε γενησεται ο λογος ο γεγραμμενος κατεποθη ο θανατος εις νικος |
| CO1 15-55 | που σου θανατε το νικος που σου θανατε το κεντρον |
| CO1 15-56 | το δε κεντρον του θανατου η αμαρτια η δε δυναμις της αμαρτιας ο νομος |
| CO1 15-57 | τω δε θεω χαρις τω διδοντι ημιν το νικος δια του κυριου ημων ιησου χριστου |
| CO1 15-58 | ωστε αδελφοι μου αγαπητοι εδραιοι γινεσθε αμετακινητοι περισσευοντες εν τω εργω του κυριου παντοτε ειδοτες οτι ο κοπος υμων ουκ εστιν κενος εν κυριω |
ALBISHARA © 2000-2021
