CO1 10-1 | ου θελω γαρ υμας αγνοειν αδελφοι οτι οι πατερες ημων παντες υπο την νεφελην ησαν και παντες δια της θαλασσης διηλθον |
CO1 10-2 | και παντες εις τον μωυσην εβαπτισθησαν εν τη νεφελη και εν τη θαλασση |
CO1 10-3 | και παντες το αυτο πνευματικον βρωμα εφαγον |
CO1 10-4 | και παντες το αυτο πνευματικον επιον πομα επινον γαρ εκ πνευματικης ακολουθουσης πετρας η πετρα δε ην ο χριστος |
CO1 10-5 | αλλ ουκ εν τοις πλειοσιν αυτων ευδοκησεν ο θεος κατεστρωθησαν γαρ εν τη ερημω |
CO1 10-6 | ταυτα δε τυποι ημων εγενηθησαν εις το μη ειναι ημας επιθυμητας κακων καθως κακεινοι επεθυμησαν |
CO1 10-7 | μηδε ειδωλολατραι γινεσθε καθως τινες αυτων ωσπερ γεγραπται εκαθισεν ο λαος φαγειν και πειν και ανεστησαν παιζειν |
CO1 10-8 | μηδε πορνευωμεν καθως τινες αυτων επορνευσαν και επεσαν μια ημερα εικοσι τρεις χιλιαδες |
CO1 10-9 | μηδε εκπειραζωμεν τον χριστον καθως τινες αυτων επειρασαν και υπο των οφεων απωλλυντο |
CO1 10-10 | μηδε γογγυζετε καθαπερ τινες αυτων εγογγυσαν και απωλοντο υπο του ολοθρευτου |
CO1 10-11 | ταυτα δε τυπικως συνεβαινεν εκεινοις εγραφη δε προς νουθεσιαν ημων εις ους τα τελη των αιωνων κατηντηκεν |
CO1 10-12 | ωστε ο δοκων εσταναι βλεπετω μη πεση |
CO1 10-13 | πειρασμος υμας ουκ ειληφεν ει μη ανθρωπινος πιστος δε ο θεος ος ουκ εασει υμας πειρασθηναι υπερ ο δυνασθε αλλα ποιησει συν τω πειρασμω και την εκβασιν του δυνασθαι υπενεγκειν |
CO1 10-14 | διοπερ αγαπητοι μου φευγετε απο της ειδωλολατριας |
CO1 10-15 | ως φρονιμοις λεγω κρινατε υμεις ο φημι |
CO1 10-16 | το ποτηριον της ευλογιας ο ευλογουμεν ουχι κοινωνια εστιν του αιματος του χριστου τον αρτον ον κλωμεν ουχι κοινωνια του σωματος του χριστου εστιν |
CO1 10-17 | οτι εις αρτος εν σωμα οι πολλοι εσμεν οι γαρ παντες εκ του ενος αρτου μετεχομεν |
CO1 10-18 | βλεπετε τον ισραηλ κατα σαρκα ουχ οι εσθιοντες τας θυσιας κοινωνοι του θυσιαστηριου εισιν |
CO1 10-19 | τι ουν φημι οτι ειδωλοθυτον τι εστιν η οτι ειδωλον τι εστιν |
CO1 10-20 | αλλ οτι α θυουσιν δαιμονιοις και ου θεω [θυουσιν] ου θελω δε υμας κοινωνους των δαιμονιων γινεσθαι |
CO1 10-21 | ου δυνασθε ποτηριον κυριου πινειν και ποτηριον δαιμονιων ου δυνασθε τραπεζης κυριου μετεχειν και τραπεζης δαιμονιων |
CO1 10-22 | η παραζηλουμεν τον κυριον μη ισχυροτεροι αυτου εσμεν |
CO1 10-23 | παντα εξεστιν αλλ ου παντα συμφερει παντα εξεστιν αλλ ου παντα οικοδομει |
CO1 10-24 | μηδεις το εαυτου ζητειτω αλλα το του ετερου |
CO1 10-25 | παν το εν μακελλω πωλουμενον εσθιετε μηδεν ανακρινοντες δια την συνειδησιν |
CO1 10-26 | του κυριου γαρ η γη και το πληρωμα αυτης |
CO1 10-27 | ει τις καλει υμας των απιστων και θελετε πορευεσθαι παν το παρατιθεμενον υμιν εσθιετε μηδεν ανακρινοντες δια την συνειδησιν |
CO1 10-28 | εαν δε τις υμιν ειπη τουτο ιεροθυτον εστιν μη εσθιετε δι εκεινον τον μηνυσαντα και την συνειδησιν |
CO1 10-29 | συνειδησιν δε λεγω ουχι την εαυτου αλλα την του ετερου ινατι γαρ η ελευθερια μου κρινεται υπο αλλης συνειδησεως |
CO1 10-30 | ει εγω χαριτι μετεχω τι βλασφημουμαι υπερ ου εγω ευχαριστω |
CO1 10-31 | ειτε ουν εσθιετε ειτε πινετε ειτε τι ποιειτε παντα εις δοξαν θεου ποιειτε |
CO1 10-32 | απροσκοποι και ιουδαιοις γινεσθε και ελλησιν και τη εκκλησια του θεου |
CO1 10-33 | καθως καγω παντα πασιν αρεσκω μη ζητων το εμαυτου συμφορον αλλα το των πολλων ινα σωθωσιν |