ROM 12-1 | παρακαλω ουν υμας αδελφοι δια των οικτιρμων του θεου παραστησαι τα σωματα υμων θυσιαν ζωσαν αγιαν ευαρεστον τω θεω την λογικην λατρειαν υμων |
ROM 12-2 | και μη συσχηματιζεσθε τω αιωνι τουτω αλλα μεταμορφουσθε τη ανακαινωσει του νοος εις το δοκιμαζειν υμας τι το θελημα του θεου το αγαθον και ευαρεστον και τελειον |
ROM 12-3 | λεγω γαρ δια της χαριτος της δοθεισης μοι παντι τω οντι εν υμιν μη υπερφρονειν παρ ο δει φρονειν αλλα φρονειν εις το σωφρονειν εκαστω ως ο θεος εμερισεν μετρον πιστεως |
ROM 12-4 | καθαπερ γαρ εν ενι σωματι πολλα μελη εχομεν τα δε μελη παντα ου την αυτην εχει πραξιν |
ROM 12-5 | ουτως οι πολλοι εν σωμα εσμεν εν χριστω το δε καθ εις αλληλων μελη |
ROM 12-6 | εχοντες δε χαρισματα κατα την χαριν την δοθεισαν ημιν διαφορα ειτε προφητειαν κατα την αναλογιαν της πιστεως |
ROM 12-7 | ειτε διακονιαν εν τη διακονια ειτε ο διδασκων εν τη διδασκαλια |
ROM 12-8 | ειτε ο παρακαλων εν τη παρακλησει ο μεταδιδους εν απλοτητι ο προισταμενος εν σπουδη ο ελεων εν ιλαροτητι |
ROM 12-9 | η αγαπη ανυποκριτος αποστυγουντες το πονηρον κολλωμενοι τω αγαθω |
ROM 12-10 | τη φιλαδελφια εις αλληλους φιλοστοργοι τη τιμη αλληλους προηγουμενοι |
ROM 12-11 | τη σπουδη μη οκνηροι τω πνευματι ζεοντες τω κυριω δουλευοντες |
ROM 12-12 | τη ελπιδι χαιροντες τη θλιψει υπομενοντες τη προσευχη προσκαρτερουντες |
ROM 12-13 | ταις χρειαις των αγιων κοινωνουντες την φιλοξενιαν διωκοντες |
ROM 12-14 | ευλογειτε τους διωκοντας [υμας] ευλογειτε και μη καταρασθε |
ROM 12-15 | χαιρειν μετα χαιροντων κλαιειν μετα κλαιοντων |
ROM 12-16 | το αυτο εις αλληλους φρονουντες μη τα υψηλα φρονουντες αλλα τοις ταπεινοις συναπαγομενοι μη γινεσθε φρονιμοι παρ εαυτοις |
ROM 12-17 | μηδενι κακον αντι κακου αποδιδοντες προνοουμενοι καλα ενωπιον παντων ανθρωπων |
ROM 12-18 | ει δυνατον το εξ υμων μετα παντων ανθρωπων ειρηνευοντες |
ROM 12-19 | μη εαυτους εκδικουντες αγαπητοι αλλα δοτε τοπον τη οργη γεγραπται γαρ εμοι εκδικησις εγω ανταποδωσω λεγει κυριος |
ROM 12-20 | αλλα εαν πεινα ο εχθρος σου ψωμιζε αυτον εαν διψα ποτιζε αυτον τουτο γαρ ποιων ανθρακας πυρος σωρευσεις επι την κεφαλην αυτου |
ROM 12-21 | μη νικω υπο του κακου αλλα νικα εν τω αγαθω το κακον |